tebawindwâ kakina kekinâmâwindjig

Ningodwâsowayag
Ândjichigâdeg Kâ-ishpazinâdeg Kikinâmâgewin Ontario-ng

Pepejig kikinâmâgan tibinawewîdizo. Pepejig odayân omisiwenindjigewin, owîkwadjichigewin, ashidj odiji-gashkitôwin. Ashidj pepejig tâgî-mînâ wîdôkâgoziwin kidji-jâbo-gikinâmawindj.

Mî kâ-ondji-gîjenindamâng Ningodwâsowayag.

Onon ningodwâswe oshki-gikinâmâgoziwinan maya tagwanôn odewang Kekinâmâwindj Kidji-gashkiyewizidj eji-misawendang. Owîdokâgonâwân kâ-ishpazinâzodjig kikinâmâganag Ontario-ng kdiji-mâmandônamowâdj kashkitâsowinan kidji-jâbo-gikinâmâwindwâ pekish mamengawichigâde kâ-ishpazinâdeg kikinâmâgewin ondaje tinakiwining.

Wînawa kikinâmâganag odâ-ayijitônâwâ kikinâmâgoziwin wînawa ke-minwâbadjitôwâpan. Mî tash ‘e pidjînag kidji-minobidenigiban ondje wînawa eji-dibinawewidizowâdj.

Ningodwâsowayag wîdôkâganiwiwâdj kikinâmâganag kidji-jâbo-gikinâmâwindwâ

• Niningodwewânezidjig Wâdôkawâdjig Kikinâmâganan
• Mishâchigâdeg Kikinâmâgewinan Ondje Kashkitâsowinan
• Ningodwayag Inayigiziwin Kidji-jâbiwidôdj
• Kâ-nîjôzinâdegin Kashkitâsowinan Kikinâmâgoziwining
• Wâskonewogamig Kikinâmâge-ondamitâwinan
• Nagadang Nishwâsozinâdenig Ondje Shângasozinâdenig
• Awasinakâg Kâ-ningodwâsowayagikin

23, tasogonagizidj Kenozidj Kîzis awaso kichi-agindâsowin Ontario-ng iji-ogimâ kî-dibâdidân Anishinâbe Kikinâmâgoziwin Ayijîwin mâmawe mazinahigan “Ontario-ng iji-anishinâbeg, Métîsag ashidj Kîwedinôg Kikinâmâgoziwin Inâkonigewin Nâbâkosidjigan”.

Iye ayijîwîn ashidj nâbâkosidjigan oga-wîdôkâgonâwâ kikinâmâganag kidji-wâbandahiwewâdj eji-gashkitôwâdj ashidj kikenindamokîwin tagwan Anishinâbeg inakâg, Métisag ashidj Kîwedinôg obimâdjiwowiniwâ, kâ-bimi-ayindiwâdj, ashidj eji-wâbandamowâdj kego kekinâmâwindjig.

Kîshpin kîyâbadj wî-nanda-gikenindjigen andonan http://www.edu.gov.on.ca/
eng/aboriginal/index.html.

(Tagwan Âgineshâwising ashidj Wemitigôjîwising)