jigagwe gaachitinayak gakina gikino'amawaganag

Ningodwaasoyeg inake gegonan
Da'oshki bakaanisechigaade aay skool o'oma Ontario

Aniish gawin mayaa ji'izhiyaawaaj gadaso bezhigoj gikino'amawagan. Bebakaan gegonan odizhiminwendanwawaa, owii'izhi gagwegaachidinanaawaa gaye izhi omashkawisiiwiniwag. Miidash beezhigwan gegii'izhi dawishkamawindwaban jigii onji minogiizhidowaapan ogikino'amagowiniwaa.

Mii'owe dash gaagii onji wawenatooyang ningodwaasoyeg inake gegonan.

Onoweniwan ningodwaaso oshki maajitaa'igowinan mii'omaa gaagii onji wawenachigaadegin gikino'amawagan ge onji gashkiewisij ge'anishi maadanokiichigadegin. Mii'omaa gaye ge'onji wiidokaagowaaj Ontario aay skool gikino'amawaganag gegii'anononji maawajitamaasowaaj kooretits giizhi gikino'amagowi mazina'iganan ji onji giizhitowaaj ogikino'amagowiniwaa, dago gaye ji'ani miinwachigadenigin ogikino'amagowiniwaa o'omaa Ontario gaa'ayagin gikino'amadiiwegamigoon.

Odaagiitodanawaa gikino'amawaganag ji'onendamowaaj wegonen gikino'amagowinan ge'odapinamowaaj ge'gii onji wiidokaagowaaj jigiiani biijini gikiendamowaaj. Mii'omaa gaye gegii onji wiidokaagowaaj gaa'izhi bezhigowaaj jigashkitamaasowaaj obimi gikino'amagowiniwaa.

Ningodwaasoyeg inake gegii onji wiidokawindwaa gikino'amawaganag jigiizhitowaaj ogikino'amaagowiniwaa.

• Gikino’amawagan ge'onji gashki'ewisij gamaamawi anokaadamowaaj
• Giinanginigaadewan anokiiwining jidazhi gikino’amagoziwaaj gikino’amawaganag
• Anokiiwi gikino’amaagoowinan
• Giiniizonigaadewan gikino’amaagewining jidebinamowaaj mazina’iganan
• Waasakonedamaagowi wiidookaagewinan
• Nishwaaso ga’apiicji gikendasowaaj apan zhaangaso gaa’ani apiichi gikendasowaaj
• Geyaabi ningodwaasoyeg inake jianibimi’anokiichi’gaadegin

Megwaa animikodadiiwigiisis 23 gaa'inaginsoj nongom gaagikinowiniwak wa'a Ontario ogimawin ogiiwiindaan jimaadanokaajigaadeg anishinabewi gikino'amagewi maajitaawin dago gaye gaagii ozhibii'igaadeg Ontario anishinabeg, wiisakodewininiwag gaye inoit gikino'amagewin gaa'inakonigaadeg gaagii ozhisichigaadeg.

O'owe gaagii izhi wawenachigaaniwak oga onji wiidokaagonawaa gakina ga'anishinabewiwaaj gikino'amawaganag gewiinawaa jigaachitinamowaaj gaa izhi gashkiewisiwaaj gaye dash gakina gikino'amawaganag ji onji nisidawenimaawaaj anishinaben, wiisakodewininiwan, inoit gaa'izhi bimaadisiwaaj, mewinzha gaagiipiizhi bimaadisiwaaj gaye gaa izhi ogigendamaawiniwaaj.

Giishpin geyaapi wiikigendaman onoweniwan maajitaa'iwewinan inaabin biiwaabikok http://www.edu.gov.on.ca/eng/aboriginal/index.html.

(Wemichigoshiimowining gaye bakwashiimowining etago megwaa izhibii'igaadewanoon)