akwé:kon ne ionteweiénhstha sheié:nawa’s

6 Niiorí:wake
Wa’thatité:ni ne High School ne Ontario

Ne tseia’tatatshon ionteweiénhstha tsi akwé thiié:te tsi nahó:ten tiako’nikonhratihéntos, nahó:ten teiaka’óien tánon tsi nón:we tiaonhá:’a tiakokwénion. Tánon teiotonhontsóhon akwé ne tseia’tatshon sha’taiakote’shennaièn:take ne ahotiiánerahse tsi ionteweiénhstha ne high school.

Ne ki aorí:wa tsi wa’akwakwatá:ko ne 6 niiorí:wake.

Ki iá:ia’k orí:wase ká:tats ne ne tsi weriàhsaien ne ahotiiánerahse ne ionteweiénhstha. Ísi non tiakó:wis ne Ontario high school ionteweiénhstha tánon ne kahawihtá:ne ne kwah tioiánere tsi enhonthiatonhseráweienhste ne Ontario.

Ne ó:ni tiakó:wis ne ionteweiénhstha ronónha ahatirá:ko tsi naho’ten:shon ratinón:wes ahontéweienhste. Ne entkáhawe sénha ahotiiánerahse.

Iá:ia’k niiorí:wake eniakoié:nawase ne ionteweiénhstha ia’taiakó:kten

• Ronteweiénhstha Ahotiiánerahse
• Iewahsón:tere Tekaienawá:kon Ísi’ Non Ahonathiá:ton’se
• Katokénhston Tsi Nahó:ton Eniontéweienhste
• Tekaiá:seren ne ahonathiá:ton’se
• Iowènhte Aiontéweinhste
• 8 tsi niió:re ne 9 kahiá:ton ratíhawe eniakoweienèn:ta’ne high school nianhón:ne
• Ísi’ non ne 6 Niiorí:wake

23 Iotohrkó:wa sískare ki iohserá:te ne Ontario kakoráhsera wa’karihó:wanahte tsi nikaia’tó:ton ne Onkwehón:we tsi ní:ioht tsi aionthiatonhseráweiienhste, wa’tewarénia’te ne “Ontario First Nations, Metis and Inuit Education Policy Framework”.

Tsi nikaia’tó:ten ki kaianerénhsera eniakoié:nawase akwé ne Onkwehón:we ionteweiénhstha aieié:na kaná:non tsi niiakokwénion tánon ne ó:ni oríwí:io enión:ni akwé enhonaterién:tarake ne ionteweiénstha tsi nenkwá ne First Nations, Metis, tánon Inuit tsi nihoterihó:ten, tsi nontaiawenhserón:ne tánon tsi nihoti’nikonhró:ten.. Ne ísi’ non aesató:kenhse ia’sátken’s ne http://www.edu.gov.on.ca/
eng/aboriginal/index.html.

[Tiohrhèn:sa tánon O’seronni’kéha ká:ien]